為菲律賓事件祈禱

響八月廿四號朝早，當我一開著電腦，進入 Facebook，睇到既唔係平時網友發放出黎既開心訊息，唔係網友 Upload 上去既旅遊相，亦都唔係專頁既更新消息。取宜代之既，就係一段段八月廿三號，香港旅行團響菲律賓被脅持既慘痛影片同網友支持既說話…


雖然我尋晚因為太攰既關係，四點鐘已經訓著左，連晚飯都冇食，所以錯過左現場直播，冇親眼睇到港人遇害既場面。但係，今日我一直四處尋覓希望可以重新睇過一次整件事，了解一下點解會發生呢件事，導火線又係邊到呢。好彩俾我響 myTV 同 Youtube 俾我搵到全個過程，我花左一日既時間去觀看所有既影片，第一個俾到我既感覺係 —— 個劫匪好冷血，居然可以用一個咁小事既理由，就綁架全車旅行團既香港人，全車人頓時變成人質。黎到呢到，我個心已經好憤怒，再睇落去，到左夜晚，個綁匪突然間獸性大發，先開第一槍，將領隊殺死，然後亂槍掃射人質，最後特警圍攻，花左一個鐘既時間，由守候已久既狙擊手殺死。之後既片段就係旅行社公佈，呢次事件導致八名香港人遇難，七名港人受傷，仲有生環者之一梁太既訪問片段。


事情發展到咁，我感覺到非常傷心，也不禁落下男兒淚，我響呢一生入面，從未見過咁既事件發生響香港人身上，心情極沉重。就係響呢一刻同時，我決定要深入去了解事件，睇下究竟係邊個既錯。我參考過各方面既資料，得出以下既觀點：第一，菲律賓既狙擊手係冇趁劫匪開車門既時候，乘機殺死他；第二，談判專家策略出錯，樣樣都 Say NO! 又冇俾機會個劫匪企定定俾機會狙擊手攻擊；第三，政府不肯接受劫匪提出既要求，包括復職同一百萬披索 (約十七萬港元) 贖金，只提出會在十日內處理，令到劫匪態度開始轉變；第四，當疑犯既細佬同老婆去勸佢個陣，第一次係失敗，但第二次佢細佬希望可以登上旅遊巴勸說，卻俾當地警方以為佢係同謀，沒收佢既武器同埋拘捕佢，當劫匪睇到呢件事，憤怒到極點，舉起槍，將領隊殺死 (另一個講法話領隊俾菲警誤殺) 然後再用手槍<<<並非 M16 殺死另外五個團友 (有傳只係殺左兩個) ；第五，賓警響旅遊巴向前移動時，開第一槍射爆車汰，此舉亦可能激怒左劫匪，司機趁劫匪走到車尾，乘機逃走，向外面既人宣佈全部人質被殺，所以特警 (有人話佢地只係掃毒隊) 立即行動，以對角形式包圍旅巴，用鐵槌打爆玻璃 (傳聞有人質被打死或打傷) 及用麻繩嘗試打開車門。槍手繼續殺人，走過梁太和梁太個仔用 M16 對佢地開槍，梁太個槍俾老公擋住，老公死；而個仔個槍就由佢妹妹擋住，阿妹死。響呢段入面感受到親情既愛係幾咁偉大，其他旅客就被打傷。最後特警放左個催淚彈入去，劫匪被逼走到車頭，被狙擊手一槍殺死，了結整件事。


呢件事對我有好大影響，影響左我心理、想法同埋行為，亦對我有好大既啟發。我以前睇到呢 D 事件既時候，我第一時間唔會係同情佢地，反而係去用呢 D 事做笑柄，冇理過別人既感受，亦唔會將事件放上心上，當冇事發生過 (或許過往既事都唔關香港人事) 。今次，我受既打擊唔少，我一向都怕死，但係見住咁多人被槍殺，心裡好悲傷，仲要係自己香港人…咁樣係未能令到我無法忘記呢件事，但係知道左佢地係被人脅持同槍殺，加上菲警及特警既無能、遲鈍，令我感到不滿和憤怒。劫匪當然係大錯特錯，但係點解救人行動要咁耐先開始，而攻入旅遊巴又花時咁耐，狙擊手又點解唔把握劫匪開車門出黎既機會呢。睇番外國同類事件既片段，我覺得佢地係冇接受過訓練，點解要花上一個鐘先可以打死槍手，花上半個鐘都唔能夠將車門打開，花左好耐時間先開到太平門，點解一入去唔夠五秒就走番出黎，點解有 D 警員連避彈衣或者槍都冇。呢 D 都希望菲方可以俾一個合理既解釋俾我地，我唔希望白白見到佢地犧牲。從前，我冇諗過響危急既情況之下，向家人伸出援手，更何論係為自己家人犧牲。但係，經過今次事件之後，我會徹底改變呢個睇法，因為睇到梁生同佢細女既行為，我覺得好感人，係我地香港成年人及青少年人既榜樣，我地要好好去學習。最後，我要多謝呢次事件讓我學到好多野，要為親人、朋友而犧牲自己，配合今年 Camp 學到既野應用出黎，我會做到最好。


願主祝福各位，生還者努力活下去，死難者主懷安息，享受天國既生活，亦希望梁太個仔早日醒番同康復。


以下係我個朋友提出既祈禱方向
我在此呼籲大家在這個月餘下日子裡，每晚抽10分鐘為呢件事祈禱：
1) 為死難者家屬求平復心情，特別係梁太及其長子(她的丈夫和兩名女兒死去)，還有十多歲的兩姊弟(他們的父母和姨媽死去)，以及領隊的家屬。
2) 為呢個國家求公義 (不要單單怪責槍手的冷血和特警的無能，也要思考為何一個模範警察走上這條路，是否有太多不公義之事在發生，但受屈受壓迫的人卻無處申訴？)
再一次懇請各位，抽10分鐘祈禱，眾人祈禱所發出的力量是大的！


P.S. 解釋多少少第2點，要為呢個國家的公義祈禱：幾年前菲國曾有一個幼稚園校長要挾持幼稚園學生，為左喚醒人們對幼兒教育經費不足的關注。點解一個國家的人民要用到呢種手法去表達意見？就係因為成個國家suck左，公義不彰.... 呢件事正正提醒我們，要為公義祈禱！

2010-8-17 — F.2 升 F.3 暑假 Part 1 =]

真係好耐都冇打過 BLoG 啦,


因為真係冇乜野想寫同埋時間唔多,


...
...
...
...
...


好啦講完藉口,


講番真話啦,


...
...
...
...
...


其實係因為我懶 =PPP


----------------------------- ~我係^分隔線^~ -----------------------------


響呢個暑假,


做左一件好有意思既事<<<個人認為


就係由七月中到七月尾,


參加左去紐西蘭既遊學團,


響呢個團中,


我都學到好多好多好多野,


例如知道人地西人既生活模式,


佢地紐記既歷史<<<雖然我冇咩興趣-v-


體驗到佢地既生活模式, 


有機會嘗試感受紐記既娛樂設施<<<呢個先係重點


所謂最重要當然係練習同提升英文既溝通能力啦 !!! =]


呢個 Trip 發生左好多野, 


加上時間較長, 


所以真係好多野都好難忘記啊, 


好想同同一班人再去多一次, 


Hea 多半個月 xDDDD


好啦, 


遊學團唔寫太多啦, 


我響 Facebook 個 Notes (網誌) 到打好成個 Trip 既點點滴滴之後就會 Post 過黎架啦, 


密切留意, 


唔好錯過 !!! ^^


想捷足先登既朋友可以響 FB Add 左我先, 


sEarCH：ekwokwingktmc@gmail.com


記住講明你係邊個啊 !!


----------------------------- ~我係^分隔線^~ -----------------------------


返黎香港, 


一切回復正常, 


但係活動就基本上冇額外參加, 


因為通常會同遊學團撞期, 


變相浪費左幾堂, 


個人認為唔係太好.


所以呢段時間, 


主要都響屋企到 Hea, 


上下 FB, 


On 下 MSN, 


每日就咁過日子, 


覺得唔係太充實. 


不過都要感謝神, 


響我呢段空閒既日子入面, 


俾機會我事奉你, 


將我有既才華當作活祭獻俾你, 


多謝你 !!!


正如聖經所講：


「所以弟兄們，我以神的慈悲勸你們，將身體獻上、當作活祭，是聖潔的，是神所喜悅的。你們如此事奉，乃是理所當然的。」 （羅馬書 12：1）


所以我會好好珍惜呢次既機會.


----------------------------- ~我係^分隔線^~ -----------------------------


除左 Hea 同事奉之外, 


其實我都有做其它既事, 


好似尋日咁, 


我就約左四個小學同學一齊好踩單車, 


響約人既時侯, 


的確遇到唔少困難, 


例如太少人去, 


或者天氣因素等, 


我將以上都交托俾神, 


我深信他會為我預備最好.


最後, 


我希望最少有四個人, 


如願以償, 


有五個人去, 


宜當日天氣唔算太差, 


陰涼加上微微細雨, 


令整個旅程更加舒服.


之前都曾經約過 8 個小學同學去睇戲, 


之後去打波同唱 K, 


雖然五音不全既我, 


當然冇唱啦 xDDD


----------------------------- ~我係^分隔線^~ -----------------------------


總括黎講, 


呢個暑假都算有意義既, 


不過下年真係想再積極 D, 


參加多 D 多元化既活動啦 ^^

P.S. Part 2 將於暑假完結後發佈, 密切留意 =]

分享

4 月 2 - 4 月 6 總結

呢個復活節假期做咗好多野，

好忘！

宜家總結一下…

----------------------------- ~我係^分隔線^~ -----------------------------

4 月 2 日

返教會練習 4 月 4 日獻奏

4 月 3 日

跟教會 J-Time 成員+ 向華 D 學生去鯉魚門炮台同鯉魚門渡假村玩

4 月 4 日

早上返教會復活節聯合崇拜獻奏，

下午上廣州

4 月 5 日

早上在廣州遊覽

下午返香港

4 月 6 日

去咗行麥理浩徑第二段

----------------------------- ~我係^分隔線^~ -----------------------------

玩完咁多日，

係時候收拾心情，

做番 D 功課同溫書應付黎梗嘅 TesT DaY，

呢幾日嘅趣事真係好多，

不過唔想打 lu，

想知，

私下問啦！

分享

測驗/考試卷革命？！

今日上 GeoG 堂，

梁日「高」同我地講測驗卷形式，

佢話今次會有少少轉變，

點知一入正題，

佢就話今次測驗滿分 70%，

MC 佔 10%，

冇 Fill In The Blanks，

DBQ 就佔 60%，

引起全班慌張，

阿 Sir 話少野寫嘅卷，

只會响小學至中二上學期出現，

宜家會訓練寫多 D 字。

唔通測考卷革命黎了？！

因為數學卷已經有前科，

得 8 題 LonG QuestionS，

估計以後 TesT DaY 同 ExaM 都係咁，

其它科都會慢慢跟從，

宜家 D 測驗考試真係越黎越難，

要加倍努力溫書 lu~

分享

康城有 K-Train 行呀！

今日我放學後 (TesT DaY 早放)，

去咗康城玩，

聽到個 Fd 話尋日有 K-Train 行康城 - 調景嶺，

我 O 咗咀，

因為平時得 M-Train 行康城 - 調景嶺 (就算係星期日)，

K-Train 只會响星期日行寶琳 - 北角，

唔會行康城。

好開心聽到呢個消息，

但係好失望我冇去搭，

希望下個禮拜都係咁啦！

P.S. 左上角相片係 K-Train，右下角相片係 M-Train

分享

香港 Google Street 用後感

在剛過去嘅星期四，

Google 在香港推出咗一個新服務，

Google Street，

可譯作 Google 街景，

顧名思義，

當然係一個可以沿著街道，

觀看周邊事物，

仲可以上下移動添！

佢全部都係實景圖，

有曬全香港街道 (限制道路除外)，

不過一眼可以看出係由 N 咁多幅圖組成，

所以會有「扭曲事實」嘅情況。

但係總括黎講，

都係要多謝 Google 推出呢個服務，

幫助幾大架！

使用方法：
入 Link 去香港，
然後搬左上角個人仔去你想你嗰條街道就得啦！
用得開心 D 啦！
Link：http://maps.google.com.hk

分享

(怒)投訴無綫收費電視 = =#

今日我由太和返屋企嗰陣，

收到一個無綫收費電視 sales 打黎嘅電話，

佢問我係咪 netvigator 嘅用戶，

話兩日後無綫收費電視所有頻道會免費送俾我睇，

加埋畫質提升到標清。

我聽到，

當然就係咁「哦」。

----------------------------- ~我係^分隔線^~ -----------------------------

之後過咗五分鐘，

佢同我講，

由於要使用 netvigator 嘅網絡，

所以每日要象徵收 3 蚊，

搶錢咩！

不過佢話會送一張叫「無綫生活優惠卡」，

會好多到買野都有九折，

我心想：我都冇用，

所以我同佢講唔要呢個優惠，

佢居然以為我淨係唔要張卡話可以唔寄俾我，

我發怒，

話要投訴佢，

跟著佢答，

你投訴 D 乜，

語氣仲串到死，

真係俾佢激死，

我話取消，

佢話要我講原因，

我講咗，

佢又問，

過多十分鐘之後，

我終於 CuT 佢線！

----------------------------- ~我係^分隔線^~ -----------------------------

宜家無綫唔只節目質素差，

連客戶服務態度都差，

我對無綫失去信心，

希望後來居上嘅電視台可以打敗無綫！

仲有希望無綫唔好再打黎浪費我時間同電話費！

分享